Mbetja jashtë Botërorit 2026 ende dhemb, por Gianluigi Buffon e mbron pa rezerva zgjedhjen e Gennaro Gattuso si trajner i Italisë. Ish-kreu i delegacionit të kombëtares axurre, në podcastin “Tutti in piazza” të Ivan Zazzaroni, deklaroi:
“Unë këmbëngula që ta kishim si trajner, do ta bëja sërish edhe tani. Ishte njeriu i duhur për momentin që po kalonim. Nuk është një vendim i gabuar që do ta ndryshojë mendimin tim”.
Buffon foli edhe për dorëheqjen nga posti që mbajti deri në marsin e kaluar, duke e lidhur atë me eliminimin ndaj Bosnjës: “Pas eliminimit kundër Bosnjës zgjodha të largohesha dhe dola prej asaj situate shumë mirë, sepse jam një nga të paktët italianë që merr përgjegjësinë dhe largohet, ndërsa shumë të tjerë duan gjithmonë të kthehen”.
The post Buffon këmbëngul: Gattuso, trajner i kombëtares? Do ta bëja sërish, ishte njeriu i duhur appeared first on Telesport.