Piloti italian Kimi Antonelli fitoi të dielën garën e Cmimit të Madh të Kanadasë në Formula 1, suksesi i katërt radhazi për 19-vjecarin e Mercedes. Tashmë ai është shkëputur 43 pikë në renditje nga shoku i tij i skuadrës George Russell, që u detyrua të tërhiqet.
Në vendin e dytë u klasifikua britaniku Lewis Hamilton me Ferrari, që pak xhiro nga fundi arriti të parakalojë holandezin Max Verstappen me Red Bull (i treti). Ky është podiumi i parë sezonal për Verstappen, por edhe rezultati më i mirë për Hamilton me “kokëkuqen”.
Ai që mbeti i zhgënjyer nga kjo garë është Russell, që u detyrua të tërhiqej teksa udhëhiqte garën. Në mesin e saj, në një duel të fortë më Antonelli, motori Mercedes tradhëtoi britanikun dhe i hapi “dritën jeshile” italianit. Në vendin e katërt u rendit Charles Leclerc me Ferrari.
Gara ishte interesante dhe hera-herës pati duele të forta si për fitoren (Russell-Antonelli në pjesën e parë) ashtu dhe për podiumin. Garë për t’u harruar për McLaren, me Piastri që u rendit i 11-ti, ndërsa Norris u tërhoq nga gara me probleme (edhe gabime që në start me gomat).
The post “Poker” fitoresh për Antonelli, motori Mercedes tradhëton Russell, në podium ngjiten Hamilton e Verstappen appeared first on Telesport.