Trajneri i kombëtares së Brazilit, Carlo Ancelotti, ka përsëritur se do t’u japë “përparësi të rinjve” gjatë rindërtimit të skuadrës dhe ka konfirmuar fundin e epokës së Neymar. Lojtari u përball me kritika për paraqitjen e dobët në Kupën e Botës së fundit.
“Ai e meritonte të ishte aty për shkak të cilësive të tij. Neymar tashmë e ka konfirmuar se nuk dëshiron të rikthehet më në kombëtare,” tha trajneri italian në një intervistë për CNN Esportes.
“Ai nuk mund të zëvendësohet sepse ishte një talent i jashtëzakonshëm dhe unik. Pra, një lojtar i pazëvendësueshëm,” shtoi Ancelotti, duke mbrojtur vendimin për të grumbulluar yllin e Santos për Kupën e Botës së kaluar.
Ndërkohë, rinovimi i kombëtares braziliane ka nisur tashmë, me disa fytyra të reja, kryesisht lojtarë të rinj, të përfshira në grumbullimet e fundit. “Besoj se duhet të ecim hap pas hapi”, shtoi Ancelotti.
“Për momentin, për ndeshjen e parë dhe miqësoret pasuese që çojnë drejt Kupës së Botës, duhet të përqendrohemi te lojtarët e rinj që mund të jenë pjesë e së ardhmes. Kemi lojtarë shumë të talentuar që ende nuk po luajnë, por që mund ta bëjnë këtë,” deklaroi Ancelotti.
The post Trajneri Ancelotti konfirmon: Epoka e Neymar në kombëtaren e Brazilit ka përfunduar appeared first on Telesport.