Barcelona e nis sezonin e ri duke u përballur me një boshllëk të madh në sulm pas largimit të Robert Lewandowski dhe mosgjetjes së një “numri 9”. Megjithatë, Dani Olmo beson se trajneri Hansi Flick tashmë ka hartuar një strategji për të siguruar që skuadra të mbetet një forcë e fuqishme në La Liga dhe në Champions League.
Duke u përqendruar te fluiditeti dhe lëvizja kolektive në vend të një pike referimi statike, trajneri gjerman synon të modernizojë sulmin e skuadrës “blaugrana”. Olmo thekson se, ndonëse përbërja e skuadrës ka ndryshuar, ambicia e gjigantëve katalanas mbetet po aq e lartë sa më parë.
“Nuk ka askënd si Robert por ne po luajmë me Raphinha si ‘numër 9’. Trajneri e di se ka disa opsione, përfshi edhe mua, Jesus ose Ferminin López, një pozicion ku ndihem rehat. Pra, ai ka zgjidhje. Klubi ka bërë një punë të jashtëzakonshme. Rodri, Gabriel Jesus, Karim Adeyemi dhe Anthony Gordon na japin shumë“, tha Dani Olmo.
“Rodri është lojtari që i ngjan më shumë Busquets,” shpjegoi Olmo: “Ai përshtatet në mënyrë të përkryer me lojën, sistemin dhe idenë tonë, e cila është e ngjashme me atë të kombëtares spanjolle. Ai luan me zgjuarsi pozicionale dhe sjell ekuilibër, gjë që do të më japë më shumë liri për të identifikuar hapësirat. Ai e mban të qëndrueshme strukturën”.
The post Dani Olmo: Trajneri Flick pa ndryshon filozofinë në sulm, ai e di se ka shumë alternativa si ‘numri 9’ appeared first on Telesport.